‪ana Misho‬

بغض النظر عن إن الصلصة سخنة و الطعم لذيذ جداً و الكبدة نضيفة من ألطف الحاجات إن فيه باقي بونبوني هو ل الأطفال بس أنا طفلة كبيرة عادي يعني لو انت مستني حد ع المحطة اخطف رجليك و اضربلك طبق كشري و انسى الدنيا أو لو حد راكب الترام و مروح من ترام واحد و مخنوق أنزل خدلك طبق اتمزج بيه ف السكة ده ل الناس الأكيلة اللي ليها تقل عليه طبعاً يمكن ما ادتلوش خمسة لأن للأسف المساحة من جوه ضيقة جداً و مش بتكفي عدد أفراد كبير

محل كشرى بيعمل كشرى علي الطريقة المصراوى بس مستواه متوسط فيه اعلي بكتير منه في اسكندرية واكيلة الكشرى المحترفين عارفين مطاعم الكشرى المشهورة والمحترفة في اسكندرية.. المحل مالوش فروع أخرى في اسكندرية والنظافة مش في افضل حالاتها وهتلاحظ ده من الادوات المستخدمه واللي الصنايعية بينقلوا فيها المكرونة والارز وبيسيبوعا قدام المحل وبالنسبة للاسعار اعتبرها عالية مقارنة بكمية الكشرى في الطبق الواحد بس يمكن جه بسبب مكان المحل واسعار الايجارات المرتفعة في سيدى جابر وموقع المطعم حلو جدا علي محطة ترام سيدى جابر الشيخ عدل ممكن تخطفلك طبق كشرى عالماشي وانتا منتظر الترام.