اسبكترا كافيه

كنا هناك يوم ٨ يوليو ٢٠٢٢ طلبنا ستيك كومبو كل حاجة مظبوطه النضافه جيده جدا ، الاستقبال والضيافه جيده جدا ، طعم الاكل والتسويه جيدة جدا مشكلتي كانت في حاجتين الاول محدش سألنا نحب تسويه الستيك تبقي ازاي واحنا اللي ناديناهم لما افتكرنا علشان نقولهم نحب التسويه ايه طلبنا التشيز مادنيس ناخدها تيك اواي هي طعمها خطيره بس للاسف محدش سألنا بردة نحب ناخد الصوص ايه ولقيناهم حاطين فراوله من نفسهم بس بعيدا عن كل دة الباقي كله الصراحه كان جيد جدا

مكان في موقع مميز جدا علي النيل. التجربة للاسف المكان محتاج نضافة و كمان في ذباب كتير و ال staff مبيضحكوش مش الشباب الصغير ال supervisors هما ال مبيضحكوش خالص. نيجي بقي للاكل الاكل عبارة عن كميات بدون جودة ولا طعم اولا السلطة علي العيش المحمص فيه عفن احنا من الصدمة ملحقناش نصورة و ال supervisor جه خدو و غيرو علطول طلبنا فراخ مش حلوة خالص مفيش حاجة استمتعت بيها في الاكل غير البطاطس المحمرة و ال oreo madness و طلبنا كذا service من ال waiter كذا حاجة محدش جبهلنا لانهم عندهم ضعط شغل جامد و الضغط ده عشان المكان المميز و الديكورات الحلوة مش عشان اي اكل او اي service. الاسعار غالية و متساويش خالص خالص.

الايجابيات: حسن الاستقبال حسن التعامل الموقع الجغرافي ———————————————————————- السلبيات: الاسعار غاليه وجود قطط بكثرة ———————————————————————- الانطباع: المطعم جميل والناس العاملين جيدين، الاكل متوسط الجودة، لديه اجواء داخليه وخارجية على النيل، انصح بالزيارة اليه ———————————————————————- Positives: good reception good behaviour Geographical location ———————————————————————- Negatives: Prices are expensive The presence of cats in abundance ———————————————————————- impression: The restaurant is beautiful and the people working are good, the food is of average quality, it has an indoor and outdoor atmosphere on the Nile, I recommend a visit to it ———————————————————————-

اسبكترا الشجرة من أفضل المطاعم والكافيهات الموجودة في وسط البلد بالقاهرة، فيمكنك أخذ مواصلة سهلة مدة لا تزيد عن خمسة دقائق للوصول إليه فهو يقع بالقرب من ميدان التحرير وميدان عبد المنعم رياض، ويتميز المطعم بأنه على النيل مباشرة ويضم العديد من الجلسات العائلية، يضم منطقة للعب الأطفال مما يجعل الجلوس فيه متعه وترفيه، ويقدم المطعم أيضًا العديد من الوجبات وبأسعار جيدة وفي متناول الجميع.

مكان جميل بإستثناء حد من ال staff كان فى منتهى قلة الذوق وعدم الاحترام يدعى يوسف .. نزل اكل غير اللى طالبينه اصلا وبعد ما ابتدينا بالشوربه اكتشفنا انه بيأكلنا على مزاجه ولما اتكلمنا جاب لنا مديره يعتذر .. قبلنا وسكتنا علشان ضغطة العيد .. وبعدها كان المفروض ينزل بالحلو ، فضلنا اكتر من ٥٠ دقيقه مستنيه وكل شويه نقوله وهو ولا كأننا بنتكلم وولا كأنه سامع مع أنه كان بينزل طلبات كامله للناس اللى بيجوا بعدنا، لحد ماقمنا زعقنا بعدها بس الحاجه جت فى ثانيه .. الحدث ده اول يوم عيد الفطر ٢ مايو ٢٠٢٢ للأسف الشخص ده قلل قيمة المكان فى نظرنا جدا ومنصحش حد يروح يدفع فلوس و يتهزق حتى لو المكان جميل .. فى اماكن كتير غيره حلوه على النيل وبنتعامل فيها بمنتهى الأحترام ..