مسمط ابو بيلا

مسمط ابو بيلا منقول احد الاماكن المميزة في لحمة الراس أولاً الأكل نضيف جداً خاصة الكرشة، أول مرة أشوف مكان بيعمل كرشة بيضا ونضيفة كده.. لحمة الراس ظريفة وطازة، بصفة عامة لحمة الراس عنده خفيفة وده خلاني أكل كتير.. اللي عالمي عنده الممبار، طري جداً حاجه وهمية بصراحة وبيحمره تحميرة خفيفة كده فبيبقي مقرمش، خفيف ودايب من جوه وعنده كمان شوية شوربة عجب وأول مره جربته قلتله أنا ماليش في الفشة قالي جرب بس حتة محمرة وفعلا كانت مختلفة وحلوة جدا عشان طازة ويادوب شمت التحمير.. كارثة في المواعيد بقي هو بيشتغل من ١١ ونص الصبح حاجه كده مش عارف بيخلص كام بالظبط بس اعتقد علي ٣ – ٤ العصر كده وبيقفل حد واتنين وروحتله يوم سبت لقيته قافل مرة، هو راجل شغل لمزاجه قوي بصراحة.. مكانه يعتبر في الضاهر، وانت نازل من كوبري غمرة اول يمين هو رابع محل علي يمينك قصاد معرض حلال ايجيبت الناحية التانية جنب شاكر بتاع الجمبري تقييم وتصوير: إسلام سلامة