‪hum Yum‬

جايه من الدمام وجربت كذا شغله الاسعار متوسطة الى مرتفعه الخدمة جيدة المكان مرتب ،لكن دورة المياه ارجو الاهتمام بها وبنظافتها الاكل جربت : برياني دجاج 9/10 يكفي شخصين سعره ب 40 درهم يشمل سلطة و زبادي ، ملاحظه ( حار ) 🌶. جربت رقاق لذيذ جدا 10/10 اول مره اكل خبز رقاق بهذا المستوى اخذت بالجبن واضفت عليه دبس لذيذ جدا وجربت رقاق جبن شبس عمان 8/10 جباب بالبيض ممتاز 9/10 الكرك جدا لذيذ وموزون 10/10 لقيمات بدون مجامله ( من أسوء مايمكن ) مخمره من يومين لانه مو طبيعي طعم خميرة فظيعه لدرجة تفلتها من فمي يعزكم ربي بس شي ماينأكل الحمدلله على النعمة قرص عقيلي ( مافي بهارات وهيل ) والكيكه نفسها احسها بسبوسه وتصب فوقها حليب بالزعفران 4/10 القهوة العربيه سالتها انتو تطبخونها قالت ايه نطبخها طازجة ، هل هي اظرف قالت لا نسويها بالطلب ولما وصلتني من أسوء جدا سيئة ولا فيها طعم البن والقهوة وطلعت بعدين اساسا أظرف جاهزة 😕 الحلو بالموضوع خبرنا السوبر فايزر عن هالشي وبالعكس سمع لنا واعتذر عن اللي صار وكنسلت القهوة واستبدلها لنا بشي ثاني أشكره ع التقدير .

ما كان لي نية أدخل المطعم هذا. ولكن جذبتني اللوحة ويعتبر ذكاء منهم. مكتوب على اللوحة كرك ورقاق😳😳😳 وكسائح في الإمارات ما أعرف معنى الرقاق بينما شاهي كرك معروف، صابني فضول أسأل عن الرقاق وقلت ضروري أجربه. والحمدلله توفقت بالإختيار والجلوس والأكل في المطعم. حتى طاولاتهم تحفة على شكل كيرم. أستمتعت بأكل الرقاق وأخترت داخله الدجاج وفيه غيره الكثير من الإختيارات. كان ودي لو يسأل لما نطلب شاهي كرك عن السكر 🙃🙃🙃 عموماً تجربة جداً جميلة وممكن تتكرر

مطعم جميل في شارع جميرا قريب من الشاطئ نوع الاكلات عبارة عن فطائر وبراتا وشباتي اغلب الاكلات خفيفة وجميلة انا جربت براتا شكشوكة بالجبن وبراتا جبن مع عسل وبالنسبة للمشروب اخذت كرك جميل جداً وسعره متوسط يوجد عروض فطور ولكن اسعارها عاليه بصراحة بالنسبة للفطائر سعره متوسط ديكور المطعم جميل جداً عجبني بصراحة على نمط اماراتي وعربي قديم انصح بزيارته فطور او عشا خفيف 😁

مطعم هم يم / شارع جميرا /دبي يحكي عن الاكلات الاماراتية الجباب ، الخمير ، الأكل عندهم لذيذ وجميل ومتنوع المكان نظيف جدا ، والاسعار عندهم مناسبة طاقم العمل لطفاء وتعاملهم مع الزبون رائع وخدومين . يستحق الزيارة والتجربة . من الحلى اللذيذ عندهم كيك عقيلي Hum Yum Restaurant / Jumeirah Street / Dubai It tells about Emirati food, Chebab and Khmer. The food they have is delicious, beautiful and varied. The place is very clean, and the prices are appropriate for them. The staff is nice and their dealings with the customer is wonderful and helpful. Worth a visit and experience. One of the delicious desserts they have is Aqili cake

جيناه صدفه على زحمة الناس *الرقااااااااق لذيـذ وطلبت خلطه خاصه (جبن بالدبس) طلع روعه ١٠/١٠ يمكن ماتحصله بالمنيو لكن جربه مآتندم * الكرك ألذ مما توقعت ممتاز 8/10 * (برياني) حلو لكن للي مايحب سبايسي مثلنا راح يعاني لانه حآر بس لذيذ ٧/١٠ عيب البرياني فقط انو الدجاج كان قاااااسي والميزه يجي مع صحن سلطه و صحن لبن خيار *القهوه العربيه سيئه ٢/١٠ كنها جاهزه سريعة تحضير *اللقيمات خااااب ظني او يمكن حظنا كانت العجينه قديمه طعم مخمر استغفر الله ٢/١٠ وبلغت المشرف هندي ماقصر قال اذا تبي اضبط لك قهوه احسن او ابدلهم وتقبل الملاحظه بصدر رحب الجلسات خارجيه و داخليه وفيه مغسلتين مهم عندي مكان لغسل اليد *حلو ان (المطعم فاتح ٢٤ سااااعه) عااادي ارجع اطق مشوااار عشان بس خبز الرقااااااق

مطعم هم يم ( Hum Yum ) نبذه عنه: يقع مطعم هم يم في شارع الجميرا بدبي، ويمتاز بديكوره الداخلي الذي يعود بك إلى الماضي الجميل. فعند دخولك إلى المطعم ستشاهد السيارات الكلاسيكية والطاولات التي صممت على شكل لعبة الكيرم التي كانت لها شعبية واسعة في الجزيرة العربية بالنسبة لرأيي : الديكور : 10 من 10 ديكوره اعجبني 😍 موقع المطعم : 8 من 10 مواقف للمطعم : 5 من 10 بسبب قلة المواقف الاكل : 7 من 10 بعض الاصناف لذيذه مثل اللقيمات الاسعار : 7 من 10 الاسعار مرتفعه نسبيا