Fotos von 梅花村小館 (長沙灣)

梅花村小館特色私房菜 第一道菜係鵝肝拼盤，入面有鵝肝，鵝肉，鵝翼，豆腐，豬耳，鵝肝好香酒味，立刻瞬間令人心醉，而且鵝肝好大好肥美，入口即溶，加上鵝肉超嫩，肉質結實，滷水汁超香濃，令人更回味 最受小朋友歡迎的黃金脆皮豆腐，皮脆內軟，豆腐非常嫩滑 竹笙蟹肉雪燕羨，相信呢個係女仕至愛，呢個超足料，用了多兩雪燕，每一啖都充滿的幸福感 而我最欣賞的就係骨香蒼魚片，怕魚骨的朋友仔千萬別錯過，事關呢個鷹鯧魚魚片一啲都唔腥而且無骨，師傅將剩低的魚骨剪細炸熱再次送上，超級香脆可口，連魚骨都可以食埋，令人回味無窮，送酒一流！即刻叫支啤酒先。 碧綠川椒雞，仿效了川菜嘅做法，加了少許川椒又唔會太辣，切合香港人口味，雞肉嫩滑令人回味 另外最有特色的是蜜餞梅花骨，師傅用了青檸，金桔，梅子，蜜糖做成醬，酸酸甜甜超開胃，非常創新，值得一讚 這餸菜還取得第19屆中國金馬獎 反沙芋，是全晚的高潮焦點 上菜的時候超熱，入口時要小心，所以建議先放一會，師傅把砂糖炒至香脆，裹面夾了一個新鮮芋頭，咬下去外脆內軟，陣陣的芋香徘徊在嘴邊，令人難以忘懷 這裹的待應服務也非常細心的，招呼周到 有笑容同禮貌，一定會再來！