Cay Bagi 145 (tea Garden 145)

Bir neçə gün əvvəl dostlarla gözlədiyimiz Fenerbahçe - Galatasaray oyununu izləmək üçün 145 Qız qalasına zəng etdik. Rezervasiyaları qəbul edən şəxsdən oyunu verib - vermədiklərini soruşduq. Şəxs bizə oyuna 60 manat depoziti olan kabinetlərdə verildiyini dedi. Oyuna baxmaq xətrinə 60 manatı da verməyə razılaşdır. Oyunun başlamağına 10 dəqiqə qalmış məkana getdik. Kabinetdə əyləşən kimi bizə menu verildi. Oyunu soruşduğumuzda bir neçə dəqiqə ərzində qoşulacağını, bizim menyudan seçim etməmizi istədilər. Menyudan qəlyan və çay sifariş verdik. Sifarişimiz gəldi. Ancaq ofisiant oyunun verilməyəcəyini dedi. Oyun isə artıq başlamışdı. Dərhal qalxdıq oyunu verən başqa yerə getmək istədik. Bu zaman bizə menecer olduğunu deyən bir şəxs, 1 çalışan xanım və rezervasiyanı götürən şəxs yaxınlaşaraq hayasızca ödəniş etməmizi tələb etdi. Baxmayaraq ki, bizə nə qəlyan nə çay lazım idi, məkana yalnız oyunu izləməyə getmişdik. Oyunun qalan hissəsini izləmək adına söhbəti çox uzatmadıq və istifadə etmədiyimiz sifarişlər üçün ödəniş edərək məkanı tərk etdik.