مطعم سانتا لوسية

مكان راقي جداااا وعريق تحس انك رجعت بالزمن لايام البشوات هو في محطه الرمل قريب جدا من كبده الفلاح المكان من جوه كله خشب بني برائحته المميزه وعبق التاريخ الي موجود فيه وكمان الستاف هايلين بجد اخدنا كوردون بلو كان حلو بس مش واو مع سلطه وشوربه كريمه فراخ كانت تحفه بجد واخدنا فيليه لحم بصوص الفلفل الاسمر كان واااو بجد بس شوربه المشروم مش احسن حاجه والاسعار دفعنا 800 ج يعتبر غالي شويه . انا بقيمه ٤ من ٥ بس ف المجمل هو تحفه فنيه تستاهل الزياره

الاسكندرية عروس البحر المتوسط هي اجمل سانتا لوتشيا شارع صفية زغلول وكان شارع صفية زغلول وشارع سعد زغلول وشارع فواد من اهم الشوارع في الاسكندرية في زلك الوقت يعتبر سانتا لوتشيا من اهم ماعلم الاسكندرية السياحة وتم افتتاح المطاعم عام ١٩٣٢وكان ملك المطعم من الجالية اليونانيه في زلك الوقت ويعتبر المطعم ارث تاريخي كبير في الاسكندرية وهو من اهم معالم الاسكندرية في القرن العشرين الاسكندرية عروس البحر المتوسط هي اجمل مدينة ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

مطعم سانتالوتشيا في اسكندرية هو بواوبتك الزمنية لعالم اسكندريّة القديم و هوّ واحد من أقدم مطاعم اسكندرية ان لم يكن الاقدم اللي اتأسس سنة 1932 وعمر المطعم اكتر من 87 سنة حاليا حتى الان وكان مسؤول عن اعداد الوجبات للملوك و الامراء على مدار تاريخه بداية من أشهر زواره زي الملكة فريدة، والملكة ناريمان، والأميرة فوزية وشاه إيران، وشارل أزنافور، وديميس روسوس، وجورج موستاكي، وداليدا ولورانس داريل وزوجته إيف والمؤرخ الإنجليزي مايكل هاج، وتوفيق الحكيم ونجيب محفوظ وأنيس منصور وإحسان عبد القدوس ومحمد حسنين هيكل، والفنانة مريم فخر الدين، والفنان سمير صبري وعدد من اللي حاصلوا على جائزة نوبل وغيرهم كتير ولو تفتكر هو برده نفس المكان اللي اتصور فيه مؤخرا شاهد من فيلم رسائل البحر لاسر ياسين و اللي كان مكتوب اصلا لاحمد ذكي بعد فيلم حليم قبل ما يتوفى المطعم حاليا ملك الخواجة ياني من اصول يونانية من جدوده و بيعزف فيه الماسترو جورج من سنة 1973 لغاية وقتنا الحالي و بيعزف كل خميس وجمعة و سبت من الساعة 9 بليل ل 12 بليل واللي بيقدر يأسرك بموسيقى البيانو اللي بيعزفه و ضحكته اللي بتزداد مع كل نظرة و تقدير للموسيقى اللي بيفزفها و الجو اللي بيتشارك في تكوينه ليك وانت بتاكل من المنيو المميزة جدا في المطعم مطعم سانتا لوتشيا للاسف مش كتير من المصريين ميعرفوهوش وواجب الدعاية عن اماكن زي دي تستحق اننها تتعمل زي مكان سياحي اكتر من مطعم و صدقني مش هتحب تخرج لو دخلت و هتبقى أسير الايقاع ❤️ المطعم مكانه قدام سينما مترو في محطة الرمل و يستحن تحجز قبل ما تروح لانه بيكون زحمة في اوقات كتير و متنساش ممنوع الشورتات 😂