‪mince‬

شوارع بيروت مطعم بيقدم اكل لبناني لذيذ .. بالنسبة للسلطات التبوله والفتوش كانوا مظبوطين جدا وتحفه طلبنا كمان كبه بالبرغل كانت لذيذة وطبق اسمه دوم دجاج ده عبارة عن عجينه جواها فراخ ومشروم وجبنه .. قريبه جدا من الحواوشي المصري .. كان لطيف طلبنا كمان حاجه اسمها اوزي باللحم ده عبارة عن جلاش مورق محشي رز بالكاري وبسله وقطع لحم .. محبيتهوش للاسف .. هو كل حاجه لوحدها كانت لطيفه يعني الرز واللحم كانوا لذاذ لوحدهم والجلاش كان لطيف لوحدة بس مع بعض مكانتش تجربه لطيفه طلبنا كمان معجوقه .. دي عبارة عن لحم محشي مشروم وجبنه وعليه بهارات ودخل الفرن .. كان لذيذ بالنسبة للحلو جربنا غزل بيروت كان لذيذ جدا عبارة عن بودنج رز وايس كريم وحلاوة شعر عليهم عسل وفسدق وبالنسبة للمشروبات الوايت موكا كانت لطيفه بس في مشروب ساخن لذيذ جدا انا منزله صورته اسمه تروبيكال مود هو عبارة عن عيدان قرفه وورق نعناع وبرتقال وشرائح ليمون كان منعش جدا ولذيذ التجربه كانت لطيفه جدا وال staff محترم جدا ومتعاون .. لم يعكر صفو التجربه إلا ريحة الشيشه الجايه من الكافيه اللي جنبهم