سكوتا

SCOTA Restaurant المهندسين من التجارب الجديدة اللي تخليك متسلطن وعامل مزاج افيوني لذيذ و خفيف كدة 😇 طعم و فكرة جديدة 100% لذيذة، صحية و كمان سعرها مناسب جدا بيقدم اختراعين انا اول مرة اشوفهم و عرفت ان الفكرة اصلا تركية و عليها ال touch المصري 😉 بتبقى عبارة عن بطاطس 🥔 "من نوع و حجم معين" مشوية في الفرن و دا اللي مخليها صحية عشان مش مقلية زي ما اتعودنا، و بتاخد شوية زبدة و هي لسة خارجة من الفرن مولعة و قلبها يسيح مع الزبدة و الجبنة الموتزريلا 😍😍😍 كل دا يروح و يجي لحد ما ينسجم و يتناغم مع البهارات و يتحول لحاجة طعمها كريمي جميييييل فعلا بتدوب في بؤك و تلاقي الموتزريلا و بتمط و تسيح و تاخد صوص جبنة شيدر 😍 كل دا بيعمل طعم غني يجنن ❤ و بيتضاف ليها البروتين اللي يعجبك سواء فراخ كريسبي او شرايح هوت دوج او لحمة مفرومة، كفاية كدة 🤔 لا مش كفاية 😅 بتختار معاها السلطة المميزة جدا بتاعتهم اللي بجد فيها سر و لحد دلوقتي مقدرتش اعرف هو ايه! بس طعمها تحفة و بيكمل الطعم بشكل ميتوصفش😋 و كمان ممكن تضيفلها درة حلوة 🌽 او كول سلو او فلفل هالوبينو 🌶 سواء عليها او في اطباق لوحدها كمان جربت فتة البطاطس 😎 اختراع يا كوتش دي كدة كدة هتعجبك فا نصيحة خد منها 2 عشان لما تاكل واحدة هتصحى من النوم بالليل تدور عليها من كتر ما طعمها حلو، فا بدل ما تنزل تاني، هات 2 مرة واحدة 😁 عشان تبقى عارف دي عبارة عن ايه هي قطع بطاطس مشوية لحد ما النشا عمل الطبقة المشمعة الجميلة دي و يخلي البطاطس مشدودة سيكة و من جواها طريييييية زي البطاطس المهروسة و تضيفلها البروتين اللي يعجبك، انا اكتر حاجة عجبتني اللحمة المفرومة بجد عاملينها طعمها يجنن و مميز جدا و خفيفة و جميلة 👌 المفاجأة بقى كمان انهم بيعملو برجر "نفس طعم ماكدونالدز بالظبط" انا مش عارف ظبطها كدة ازاي! و في نفس الوقت سعره الطف بكتير ولا خدمة و لا ضريبة بعد كل دا كان Mr. Hany عاملنا مفاجأة ال Waffle 🥞 تحفة بتطلع سخنة و سمكها عامل زي اللحمة كدة بجد طعمها كان اكتر من اللي انا بحلم بيه 🎶 مع صوص الشيكولاتة 🍫 و الكراميل او الفراولة تحس انك بتاكل مزيكا 🎼 و بؤك مزأطط و فرحان و سعيد ✋ جدير بالذكر ان النشويات و الشيكولاته فعلا بيساعدو علميا و عمليا على وصول شعور السعادة للمخ، تخيل انت بقى لما بتاكل الاتنين ورا بعض هتحس انك مبسوووووط و مش عارف في ايه 😂😂 كمان لفت انتباهي ان المكان مكشوف قصادك بالكامل و دا لانهم فعلا بيهتموا بالنضافة جدا 👍 و انك تشوف الاكل و هو بيتعمل دي حاجة ممتعة اصلا المكان صغير شوية بس يكفي 6 افراد تقريبا جوا المحل نفسه، و في قعدة برا، كمان في ركنات هناك للعربية المكان اسمه سكوتا Scota زي نطق بسكوتة كدة