‪burger King‬

فرع جيد ولكن لايقارن بالمنافس التقليدى من حيث عدد العملا والعروض اللى هو ماكدونالدز ولكن لو هنقيمه لوحده فهو جيد زى ماقلت الاستاف كويس بس محتاجين يشتغلوا على نفسهم لو يزودا عدد الساندوتشات ينزلوا عروض باستمرار يحاولوا يستهدفوا شرايح عملا اكتر وطبعا مش الاطفال لان ماكدونالدز مستهدفه الفئه دى ، فيحاول مثلا يستهدف الشباب ويحاول مثلا يعملهم حمله مثلا وهدايا ، ويزود الصوص من حيث انواعه ، المهم انه يوجد حلول علشان يخلق زحمه وتواجد مستمر للعملا فى فروعه ، عامه الفرع نظيف والموظفين ملتزمين بالاجراءات الاحترازيه ، وانا شايف ان البراند محتاج شغل تطوير تسويقى وادارى لزياده شرائح العملا .

أنا هحكيلكوا عن اللي حصل معايا وانتوا احكموا انتوا طيب أنا روحت أنا وصحبي هو كان راجع من الجيم وكده وانا رايحله عين شمس وكده من التجمع الخامس ومفطرتش والله من الصبح ف صاحبي ف الجامعة بدون ذكر اسمه حسبي الله ونعم الوكيل فيه قالي الصبح إن في عرض كويس ف برجر كينج ٣ ساندوتشات بحوالي ٥٠ ف أنا خدت صاحبي اللي كان راجع من الجيم ده ورحنا علي هناك وهو اصلا مكلش من الصبح ورايحين جعانين ف المهم لقينا العرض مش موجود غير من ١٠-٣ للعصر ف المهم قولت للواد يشوف عرض تاني كويس ع أنا جعان ف المهم الراجل قالنا علي عرض حلو علي ذوقه بحوالي ٦٥ جنيه لكل واحد طلبنا وطلعنا فوق استنينا الاكل وكده وكانت المفاجأة بقي لما الأكل جه ولاد ال***** مطلعين سندوتشات قسما بالله لو بياكلوا اطفال مهتبقي كده 🤣 😂 والله العظيم عمري ف حياتي ما كلت ولا هاكل سندوتشات اصغر من كده وكولا ماشين عبارة عن ميه بالبيبسي وحتة حلويات قسما بالله ما تدخل ذمة عيل انها ب ٥ جنيه أنا مش زعلان علي الفلوس والله أنا قولت هاكل يمكن ربنا ينفخ في صورة الحاجات وتشبعني يوضع سره ف اضعف خلقه ف المهم كلنا المفروض إن إحنا كلنا الله يسامحهم ع أنا مش مسامحهم أنا عن نفسي مش هكرر التجربه ولا أى حد أعرفه مش هخلى حد يخش عندهم أصلا إحنا دخلنا لقيناهم بينشوا منهم لله حرفيا حسبى الله ونعم الوكيل نصيحه محدش يجرب حاجه فوق الخ.................... استغفر الله العظيم