بول

سهل اني اكتب انجليش ، لكن حابب ان كتير مننا يستفيد من تجربتي …!!! - مكان جميل و شيك ووجهه لكن بعيد تمام البعد انه يصل الي اربع نجوم !!! انا و زوجتي (.٨.٣٠ ص) فطار سري زي زمان 😂 - اولا: محتاج الي عمالة مدربة اكثر من المستوي اللي شوفته (نداء لاصحاب المكان 📣📣) بداية من استقبلنا عند مدخل المحل الي ان جلسنا في مكان قام بتحديده العاملة ، دون محادثة زوجتي هل المكان ده مناسب لها !! عادي جدا تلاقي نفسك جنب حد بيدخن !! لا مش عادي . ان يبقي مكان زي ده مافيهوش مساحة لغير المدخنين .. لم تتوقف نظرات العاملين بالمكان من وقت دخولنا ( استغرابا ، اندهاشا ، استنكارا ، ..) لا ادري !! المدام منتقبة 🤔 وانا ملتحي .. اعتقد انه مكان عام . بعد الفطار بالظبط في اقل من خمس دقائق الولد جاب لي الشيك و بيقولي حضرتك طلبته !! انا فعلا ماطلبتوا من احد !! 🤨 - ثانيا : الاكل ممتاز و جودته تكمن في الخبز و الخامات، مقارنتا بالسعر فهو غالي جدا جدا … !! 20$ تقريبا - ثالثا : ترتيب المكان و الجو العام داخله ، مقبول لكن ده انا بتكلم عن براند فرنسي !! 😱 ماينفعش يبقي المكان فيه موسيقي انجليش صاخبة جدا ، لا تليق ولا تتوافق مع المكان وطلبت بخفض الصوت شوية لكن لم يلبي طلبي 😔 الجو داخل المكان حرفيا انت قاعد في ثلاجة ، وده شيئ مش مستحب 🥶، طلبت مشروب ساخن في اقل من دقيقتين اصبح مثلج !! يبقي صوت التكيفات عالي و المحل مغطي علي صوت التكيفات بصوت اغاني و موسيقي عالي بردو ، ويبقي اللي قاعدين علي ترابيزة واحدة بيتكلموا بلغة الاشارة عشان مش سامعين بعض !!! 🤫 بعتذر علي الاطالة وملحوظة اخيرة احنا بنسافر كتير برة مصر وتقييمي للمكان و مستواه و العاملين به ، مقارنته كانت علي نفس البراند و برندات اخري مشابهه له في دول اخري 😔😔