‪baba Abdo‬

مطعم موجود في الجماليه مقابل بوابة المعز يتكون من عدة محلات متلاصقة بإلاضافة الى عدد كبير من الطاولات بالخارج كذلك يوجد لديهم اماكن للجلوس في الشارع الفرعي المطعم متوسط الحجم نظافة المطعم عاديه الطلب جيد جداً السعر مناسب جداً الموظفين ودودين المطعم يقع في الجمالية مقابل بوابة المعز مباشرةً المطعم يعتبر من المطاعم الشعبية حيث ان الطاولات موجوده في الشارع الطلب كان اكل مصري تقليدي يعيب المكان كثرة الازعاج وذلك غير مستغرب لانك في وسط الشارع

خروجة المعز ما تحلاش غير بمطعم عن جمال طعمه ما يعلاش 👌❤ من إنهاردة مفيش خروجة هتبوظ لان مع بابا عبده هتكون محظوظ 😍 مطعم Baba abdo - بابا عبده قصاد باب الفتوح بالظبط "من اشهر المعالم التاريخية في القاهرة" و اللي منه بتدخل على شارع المعز و اللي يعتبر متحف مفتوح، انت بتبقى ماشي وسط نفس الشوارع اللي شهدت على عاش فيها سلاطين المماليك والعثمانيين وغيرهم طول عمرها منطقة حيوية جدا بابا عبده مشهور بساندوتشات الكبدة و السجق (الرغيف ب 13 جنيه) بيعملوه في رغيف فينو مثالي للاكلة دي بيتعمل في مخبز مخصوص عشانهم 👌 اول ما تمسك المنيو تحس انك فاتح موسوعة متخصصة في علم الكبدة و السجق 📖 تلاقي فيها سجق اسكندراني، تركي، و سجق شرقي، و سجق بالجبنة، و الكبدة اسكندراني و كبدة بانيه .. و غالبا الاكيلة بيطلبوا الطقم دا كله بعضه، مع طبق البتنجان المخلل و الطماطم و البطاطس .. تفضل تاكل لحد ما بؤك يوحوح من الفلفل و الشطة 🔥🌶️ هي الاكلة دي كدة حلاوتها و هي حرشة و ملهلبة كدة، و الصح بقى تطلب معاها الحاجة الساقعة و تخليها جنبك تطفي بيها اول بأول طبعا بعد الاكلة الجميلة دي لازم تحلي بسكلانس "في اجماع على كدة" بس خلينا الاول نعرف ما هو السكلانس: ساندوتش فينو فيه عسل & قشطة & مربى كل دا في رغيف فينو من الرفيع الجميل بتاع ساندوتشات ميكس عارف طريقه للمخ على طول و من اول قطمة تحس إن القشطة و الحلاوة عملوا وظيفتهم المطلوبة بالتهدئه الجميل بقى إن الموضوع اتطور جدا و بقى في اصناف تاني كتير قوية بالإضافة للكبدة و السجق، يعني دلوقتي في شاورما مصري "عيش كيزر & فرنساوي" و بروست و ستربس جامد جدا على فكرة، و في كمان ساندوتشات المخ و الجمبري المقلي، يعني اكيد هتلاقي اختيارات كتير تناسبك ❤