بوغالي

تبي تروح لنيل ماكسيم الرد حقي راح يختصر لك الهرجه كاملة . الجو العام ؟ جميل جدًا ورايق والمكان كلاسي والبروقرام حلو .. عروض واغاني ورقص شرقي مناسب للعوائل والشباب وراح اضمن لك انك تطلع مبسوط من هالناحية . الاكل ؟ جودة ابو كلب مع احترامي ، جدًا سيء الحمدلله عالنعمة يعني مب طبيعي اكل الطيارة كان الذ من اللي جربناه مع اننا اخذنا افضل الاطباق وباسعار فلكية راح اتكلم عنها . الادارة ؟ صفر ! يعني متصل على المدير اظن اسمه محمد اشرف من يومي السعودية وعطاني وضعية " راح ازبطك " لأن موضوع المقاعد كان يهمني واخرتها حاطين لي مقعد باخر الصالة !! ولا فيه احد يساعدك بهالنقطه . وعلى فكرة مستفزه فكرة انهم يقدسون السائح الغربي اكثر من العربي .. معطين الاجانب طاولات افضل ومدلعينهم اخر دلع بشكل غريب .. ويوم تكلمنا عالطاوله حقتنا قال لي نصًا ( طاولتك كويسه جنبك اقانب ) خف علينا يخوي واذا جنبي اجانب ؟ مسخره يعني . ويوم فضت طاوله قريبه راح جلس ناس فيها اشخاص بمزاجه . يعني اداره بنص ريال . الاسعار ؟ منزل لكم صورة للفاتورة ، مبلغ فلكي على لا شيء وعلى طعام ومقعد رديء لكن نجمتان للجو العام فقط هل انصح فيه ؟ اول مركب اجربه استمتعت فيه رغم الحوسه يعني بالنهايه السعر ماراح يهم بس انا جاي ابي ( اكل وخدمه بجوده كويسه ) فأعتقد لو بحثت راح احصل افضل من هذا جودة من نواحي عديدة . عشان ما اضلمهم محد طلب بخشيش وقروشنا بالطاوله لكن يوم عطيناه المبلغ كاش اخذ الباقي وسحب علينا بدون مايستاذن حتى .. يعني حتى انا ومارضيت عن الخدمه لطشني . والاسعار بالمنيو ترا اقل من الفاتورة لأنها قبل التاكس ؛ نصيحه لما تطلب خليه يحسب لك قيمة الفاتورة كامله عشان تدري كم بتدفع .

مكسيم نيل / مركب على النيل يقدم برنامج عرض وعشاء وينطلق على النيل لمدة ساعتين (نجمة وحدة للموظفين وحسن اخلاقهم ) اما الباقي : الاكل سيء جدا وبارد ! الاسعار مرتفعه مقابل لاشي يستحق ! الدخان مسموح داخل المركب بدون ضوابط ! السعر اتضح لي مؤخرً انه غير منطقي !! دفوني على الشخص الواحد ٧٥٠ جنية ، بينما الاسعار لاتتعدا ٣٠٠ جنية للشخص الواحد ! تعاملوا معي بأبشع استغلال للاسف تجربة لن تتكرر مطلقاً