‪pasta Factory‬

Mushroom Cappuccino !!! ☕️ طبعا الاسم ده فى المنيو ما ينفعش يتفوت ... يعني يا يا جدع كابتشينو ماشروم !!!! هي طبعا افتكاسة... بس عجبتني الفكرة جدا... و غير ان الفكرة حلوة الطعم خزعبلي بيقدموا شوربة كريمة الماشروم في هيئة ماج كابتشينو عملاق و بفووم و وش كمان ماج كبير... الشوربة و الماشروم تحت و الكرييييييمة كتييييير فوق عالوش و متحروقة كدة وجميلة كأنك طالب كابتشينو طبعا لازم يتقلب كله فى بعض كويس جدا جدا جدا قبل اما تفكر تاكل عشان طبقة الكريمة بتبقى تقيلة جدا... و مش عايزة احكيلكم عن ريحته اللي تجيب جنان وانت بتقلبه <3 نيجي بقى للماشروم... واضح انه متشوح و مستوي قبل ما يتعمل شوربة فى توم واعشاب واشياء اخري جميلة بس ماعرفتش احدد هي ايه لكن كنت ابكي من فرط اللذة... فعلا معمول بطريقة حلوة جدا و اول مرة ادوق شوربة ماشروم بالحلاوة دي الاختراع ده ياخد 10 على 10 ... بس لو فاكر انك ممكن تاكل اي حاجة بعديه تبقى غلطان ... وجبة لوحده او ممكن 3 مثلا يدخلوا فيه لو هتاكلوا بعدها :D انا بعز الحركات الصراحة وحبيته جدا <3 .. اللي يجرب يقولي رأيه وطبعا معروف ان باستا فاكتوري من اعظم الاماكن اللي بتعمل باستا حاليا وبالاخص الماك اند تشيز وافتكاسات جديدة كل مرة ... معمولة بمزاج

لكل محبي الباستا والمكرونه بكل اشكالها وانواعها لمختلف الاذواق ولمحبي الاطعمه المميزه للمكرونه ولمحبي متابعة احدث الاختراعات والاضافات للمكرونه اهدي لكم هذا المكان الرائع " Pasta Factory " وهو بالفعل اسم علي مسمي حيث ستجدون كل متطلباتكم من المكرونه بكل الاطعمه وبتشكيل متنوع من الاضافات من لحوم ودجاج و سي فود انصح محبي الباستا بالتوجه فورا الي هذا المكان الرائع

رائع بكل المقاييس.... اول ما هتدخل المكان هتحس ببهجه غريبه من الاماكن اللي مهتمه بالديكوريشن الهادي في المكان و ال corner effect و الاضاءه الخفيفه مع ديكوريشن الحيطه هتحس انك قاعد منشكح بعد ما بتطلب الوردر بتاعك بتنزلك لعبه jenga تسلي نفسك شويه زي المكعبات كده من غير ما توقعها و لو وقعت منك كده انت خسرت تبص تلاقي الاوردر بتاعك بقي قدامك اول حاجه سخنا بعصير الليمون بالنعناع كان طعم النعناع فيه باين و حلو اوي جربنا بعدها باستا السي فود (فيتوشيني) و ده فعلا لو انت ليك في السي فود ده هيقي اختيارك دايما انك تاكلها هناك الصوص بتاعها لوحده تحفه و عرفنا ان الصوص بيعملوه من الجمبري و ده اللي مخليه مميز مع بلح البحري و الجمبري و السبيط و من الاطباق المميزه عندهم برده pizza fries و ديه بعد ما قعدنا نشد فيها وصلنا للفرايز و هي تحت غرقانه جوه الجبنه و الوايت صوص حلوه جدا و في الغالب هنروح نجربها تاني عشان كل ما افتكرها بجوع والباستا الفيليه البقري (بيني) بتبقي عليها قطع الفيليه بتتبيلتها مع صوص الفلفل حلوع و خفيفه و طبعا لان احنا عشاق الجبنه الجبنه اللي بتمط معاك فكان لازم اختيارنا يروح لباستا البيبيروني ماك اند تشيز وديه منظرها لوحده يجوعك اكتر و تحس ان لعابك سال المكس تشيز مع الموتزاريلا و غرقانه وسطهم مع الوايت صوص و عليها البيبروني من فوق تحس انك مش قادر تسبها و لما تحب تطلب حاجه خفيفه يبقي البيستو تشيكن تحس ان طبق الباستا غني بالصوص البيستو و كريمي اوي مع الجبنه الباريميزان و ده طبعا عشان لما الريحان بيدخل في حاجه بيروقها و الباستا بالسالمون هتعجبك اوي خاصه ان taste السالمون خفيف مش هتحس ابدا بزفار السالمون السالمون بيبقي مشوي مع الاعشاب و الجبنه البارميزان و من الsalads المميز هناك ال zesty tex mex و ديه سلاطه عليها المكرونه مع الذره الحلوه و فراخ و جبنه مكسيكيه و فلفل احمر مع صوص الرانش و شرائح خبز التورتيلا.. و الحلو اوي ان البيبسي هناك refill تفضل طول ما انت قاعد تطلب براحتك و من ال desserts التحفه فعلا ال fried ice cream و ده ملهوش حل غير انك لازم تجربه وال frozen nouget العنوان:39 شارع عبد الرازق السنهوري متفرع من مكرم عبيد ، مدينه نصر

نقدر نقول ان المكان عادي جدا ، الاكل ليس بالقوة المتوقعة المنيو: ١-كله لخبطة يخليك مش قادر تختار بشكل كويس ٢-لا يوجد صور للاطباق ٣-لا يوجد تحديد للكميات بالجرام النظافة: المكان جيد ولكن كان هناك ذباب بكثرة الحمام: لم يتم الاهتمام به مقارنة بالديكور التعامل مع الزبائن من أكثر الأشياء التي تشغلهم هو الاهتمام برضاء الزبون جودة الطعام: ليس بالقوة الكافية ووقت تحضير الطعام كان كبير بالنسبة لطبق مكرونة السعر: مبالغ فيه بالنسبة لطبق مكرونة