‪le Carnaval‬

للأسف مستوى Le Carnaval مابقاش زى الاول، لغاية من سنتين بس كان حلو ، و كان فيه مدير فرع روكسى ، للاسف مش متذكرة اسمه راجل فى غاية الاحترام و الذوق . المهم رحت النهاردة للأسف و اشتريت منه من قسم الجاتوه : اولا مفيش شنطة حتى زى الاول يتحط فيها علبة الجاتوه ، يعنى لازم تمشى شايل العلبة و مش مهم تتخبط تقع ، مش مشكلة ، المهم ان مايحطوش فى شنطة ثانيا : مفيش فاتورة تاخدها بالرغم من انه مدفعك الضريبة بس بردو مش بيديك فاتورة فى ايدك ، بالعافية صورت الفاتورة بتاعتى ثالثا و دا الاهم : طعمه طلع وحش وحش جداااا و طعم الجاتوه مزلع . بجد تجربة سيئة مانصحش حد يشترى كنه تانى

المكان شيك و المحل مكانه حلو جدا و معروف جدا و قدامه في مكان للركنة بالنسبة بقي داخل المحل الموظفين شيك و بيتعاملوا معاك بمنتهي الاحترام و الذوق سواء اشتريت او لا الحاجة بتاعتهم حلوة بجد و مستخدمين خامات هائلة بس مشكلتهم الوحيدة ان حاجتهم بجد غالية قوي قوي بصراحة ممكن يكون مكسبهم ٨ او ٩ أضعاف التكلفة ( عن كحك العيد اتحدث ) إنما فيما يخص باقي الحلويات و الشوكولاتة فاسعارهم تقريبا في الشيكولاتة أغلي من باشانيل و في أسعار باتشي بس للأمانة هي شيكولاتة عادية ممكن تجيبها من اي مكان علشان كده هما النوعين اللي فوق هيفضلوا احسن أنواع بالنسبة للحلويات الشرقية بصراحة مجربتهاش . يا رب أكون ساعدتكم بما يرضي الله