‪el Midan‬

المكان بصراحه مريح جدا السراير كويسه ونضيفه تنام وانت متطمن المكان فى تجديدات وبرضو الصوت لو وصلك بيبقي واطى جدا يعني مش هيزعج حد اللى احلى كمان المعامله جميله جدا سواء من الناس اللى بتكون بالنهار او بالليل زوق جدا والابتسامه مش بتفارق وشهم ودى من الحاجات المهمه جدا عندى ان يكون الاستف حبوب واسلوبه جميل مع انى صدعتهم اتصالات عشان الحجز بتاعى وانى هتأخر فى المجى وبرضو فضلو مثبتين حجزى لغاية ما جيت وكانت المقابله حلوه عكس الكومنت بتاع الانسه اللى قالت انها كانت حاجزه وراحت ملقيتش حجز؛ الtvشغال وفى wifi مجانى والتكيف شغال كويس الحمام نضيف جدا وريحته حلوه برغم انى اخدت غرفه حمام مشترك وطبعاً انتو عارفين يعني اى حمام مشترك تجربه جميله جدا واحسن من فنادق كتير دخلتها ف رمسيس جربو المكان هيعجبكم ان شاء الله وصدقونى السعر مناسب

للاسف انا كنت بحب المكان جدا .. واغلب زيارتي بنزل في الفندق ... الخدمه كانت جميله والمعامله ذوق خالص والوجوه بشوشه والابتسامه عريضه ودا سبب حبي للمكان لكن الحلو ميكملش ،، كنت متعوده احجز من قبلها بيوم عشان اصلا قنا بعيده وباخد تقريبا نص يوم في المسافه .. اول مره حجز في نفس اليوم لظرف طارئ وقولت تحسبا احجز الغرفه عشان وقت اما اوصل تكون جاهزه لكن اروح الاقي الحجز اتسحب !! والاوضه اتسكنت !! ومش بس كدا دا كمان ال receptionist يقولي انا معرفش حاجه .. طيب يا سيدي كلملي المسؤل يقول لا اصلها نايمه .. طيب وتعب السفر وشنطي والمشوار اللي عندي .. المفروض اعمل ايه ؟!!! مفيش اكتراث اصلا من ال receptionist ... حتى مفكرش يعرض عليا غرفه تانيه ! اول مره اشوف المعامله دي والاهمال بالعميل بالشكل دا !!! ودي اخر مره افكر اجحز في المكان دا ... شكرا ..

انا بتعامل مع المكان ده تقريبا من سنه ونص والله بجد حقول شهادة حق اهم حاجه بالنسبالي ان المسئوليين عن المكان محترمين جدا في التعامل زي مستر عبده بس للأسف حاليا مش موجود ويزيد عليه مستر عمر ومعاملتهم معانا حلوه جدااا بإستثناء طبعا العاملين بالمكان فيه منهم اللي مش مهتمين بالنضافه للدرجه النهائيه والمكان ناقصه حاجات تبقي موجوده زي مثلا كولدير مياه أو ميني بار حيفرق جدا معاكم والله وان المكان يتنضف يوميا لان للأسف لازم احنا اللي نطلب ان الغرفه تتنضف غير كدا هما مش بيسألوا للأسف لكن انا عن نفسي بحس بأمان وانا موجوده في المكان

قبل اي حاجة انا بشكر استاذ بشوي انه انقذ الموقف .. بس المكان قذر جدا والاوضة استلمتها مش متنظفة ولا ممسوحة ولاقيت فوطة مش نظيفة مرمية علي السرير وااكياس مطرح اكل في باسكت الزبالة وعلي السرير ..<br/>المفروض انهم مسلمني الاوضة نظيفة، ماكملناش ١٠ دقايق دخول في الاوضة ولاقينا الباب بيخبط وبتاعة النظافة جاية بتقول: انتوا طلبتوا نظافة ؟! .. زوجي قالها لاء احنا لسه مستلمين <br/>المشكلة اني كنت دفعت ومضطرة اقعد اليوم ده باي شكل، رجعت اخر الليل الساعة ١ اتفاجئت بكمية صراصير صغيرة بتجري في كل حتة في الاوضة غير طبيعية ..<br/>خرجت علي الشيف المسائي وقولتلهم انا سكت الصبح عشان كنت مضطرة بس ماكنتش متخيلة الوضع بالليل كده ..<br/>واستاذ بشوي وواحد كمان دخلوا نظفولي اوضة تانية وانقذوا الموقف عشان نعرف ننام بس ..<br/>طبعا احنا مشينا تاني يوم .. لان حتي الاوضة اللي نقلت فيها لاقيت فيها صراصير باردو الصبح ولو كنت اقدر امشي بالليل كنت مشيت بس فعلا انا اضطريت اقعد اليوم ده دفعت في الليلة دي ٣٢٠ج في اوضة ماتساويش حتي ١٥٠ج ... وفي نفس اليوم رحت فندق تاني ب ٣٠٠ج بس بالافطار اوضة في دار الاسلحة والزخيرة فيها تكييف وثلاجة وحمام نظيف ده غير ان الاوضة نفسها نظيفة ومعطرة ومعاملة فوق الاحترام والوصف .. علي عكس اللي كنت فيه نهائي