‪cairo Gourmet‬

هو مطعم مصري ويلحقه متجر صغير لبعض المنتجات المصرية. المطعم جميل ونظيف وكبير وزواره مصريين. جربت فيه إفطار رمضان؛ وكان ممتازًا حيث تتنوع الأصناف المفتوحة من الأكل المصري العربي من مقبلات وأطباق رئيسية وحلوى شرقية وأيضًا عصائر تمر هندي وسوبيا. الأكل أيضًا لذيذ وكميته وفيرة، وطاقم العمل متواجد ومساعد وودود. يتضمن مُصلى بالداخل.

طعم الأكل عندهم جامد جدا في كل الحالات برة رمضان .. انما فشلو فشل ذريع في البوفيه المفتوح في رمضان.. ماليين المكان طاولات والبوفيه زانقينه في مكان مينفعش فيه أي نظام للدخول والخروج مكنش فيه مكان أصلا نتحرك والستاف اللي بيخدم عالطاولات يتحرك .. عبال ما قدرت أقف في الطابور وأحط من الأكل اللي أنا بحبه لقيته بارد وعقبال ما وصلنا للمحاشي والمشاوي كانت خلصانة واللي واقفين يحطولنا بالقطعة دول نظامهم إيه مش فاهمة هل ده بوفيه فرح ولا ده بوفيه مفتوح أنا دافعة فيه عشان اسمه بوفيه مفتوح؟ أي مكان روحته قبل كدة ليه اسمه وعمل بوفيه مفتوح في رمضان مبيقبلوش الكستمر ينقي أكله من صواني قربت تخلص أصلا وعلطول بيبدلوها بصواني مليانة وأنا أصلا كل اللي نقيته كان معلقتين رز وقطع بسيطة جدا من كل حاجة لإن أنا عاملة عملية في معدتي ومش بعرف آكل أي حاجة يعني مقارنة بالناس اللي حواليا والأطباق الكتير المليانة اللي شوفتها .. تجربة سيئة جدا حقيقي خصوصا إن أنا اللي مختارة المطعم لشخص جه معايا وأول مرة يجربه